Mobile version coming soon
"BLOOMBERG TV MONGOLIA AWARDS 2018"-ИЙН "ШИЛДЭГ ХЭЛЦЭЛ"-ЭЭР МОНГОЛЫН ИПОТЕКИЙН КОРПОРАЦИ ОССК ШАЛГАРЛАА
Буцах
2019 оны 05 сарын 14 өдөр

Монгол Улсын хөгжилд бодит хувь нэмэр оруулж, эдийн засаг, бизнес, санхүүгийн салбарт хүлээн зөвшөөрөгдсөн шилдгүүдийг тодруулж, дэлхийн хэмжээнд таниулах зорилготой “Bloomberg TV Mongolia Awards 2018” 2019 оны 5 дугаар сарын 13-ны өдөр Шангрли Ла зочид буудалд боллоо.

2013 оноос уламжлал болгон зохион байгуулсан “Bloomberg TV Mongolia Awards 2018” энэ удаад 2018 оны шилдгүүдээ нийт 10 номинацад тэргүүлэгчдийг шалгаруулсан.

“Bloomberg TV Mongolia Awards 2018” -ийн "Шилдэг хэлцэл” төрөлд Хөгжлийн банкны 500 сая ам.долларын бонд, Монголын Ипотекийн Корпораци ОССК 300 сая ам.долларын бонд, Mongolian Mining Corporation 440 сая ам.долларын бонд нэр дэвшсэнээс Монголын Ипотекийн Корпораци ОССК 300 сая ам.долларын бонд "Шилдэг хэлцэл"-ээр шалгарлаа.

МИК-ийн ТУЗ-ийн дарга М.Мөнхбаатар “Монголын ипотекийн корпораци нь үе үеийн түүхэндээ маш олон анхдагч байсан. Манай хамт олны өнгөрсөн жил зургаан сарын хөдөлмөрийн үр дүнд 300 сая ам.долларыг олон улсын зах зээл дээрээс Азидаа хамгийн анх удаа энэ төрлийн хэлцэлийг хийж чадсан. Монгол Улсад 2008 онд 153 сая ам.долларын моргейжийн зах зээл байсан бол өнөөдөр 1.8 тэрбум ам.долларын моргейжийн том зах зээл болж чадсан. Үүнд үе үеийн Монголбанк, Санхүүгийн зохицуулах хороо, Засгийн газартай хамтарч ажилласны үр дүнд энэ ажилтанд хүрсэн. Энэ компанийн өнгөрсөн 13 жилийн түүхэнд хамтран ажиллаж байсан төрийн байгууллагын удирдлагууд болон хамт олондоо баярлалаа” хэмээн онцолсон юм.

Монголын Ипотекийн Корпораци нь гурван жилийн хугацаатай 9,75 хувийн хүүтэй 250 сая ам.долларын бонд олон улсын санхүүгийн зах зээлд арилжаалсан. Тухайн бондын урьдчилсан захиалга өндөр байсан учраас бондын хэмжээг 50 сая ам.доллароор нэмэгдүүлэн бондын хэмжээг 300 сая ам.долларт хүргэсэн юм. Ингэснээр моргейжийн бонд гаргасан анхны хувийн компани болж Азид анхдагч болсон юм.