“МИК ОССК” ХХК нь “МИК Актив Дөч” ХХК-иар дамжуулан ипотекийн зээлээр баталгаажсан бонд гаргахтай холбогдуулан санхүүгийн хөндлөнгийн шинжээчээр хамтран ажиллах компанийн сонгон шалгаруулалтад оролцохыг урьж байна.

Санхүүгийн хөндлөнгийн шинжээч нь ипотекийн зээлээр баталгаажсан бондын зээлийн хөрөнгийн багцад санамсаргүй түүврийн аргаар дүн шинжилгээ хийж,  дүн шинжилгээний тайланг бэлтгэн “МИК Актив Дөч” ХХК болон түүний үүсгэн байгуулагч “МИК ОССК” ХХК нарт танилцуулах, шаардлагатай тохиолдолд СЗХ-нд холбогдох тайлбарыг хүргүүлэн ажиллана.

Санхүүгийн хөндлөнгийн шинжээчид тавигдах шаардлага

Ипотекийн зээлээр баталгаажсан бондын хэлцлийн хүрээнд хөндлөнгийн шинжилгээ гүйцэтгэх этгээд нь дараах үндсэн шаардлагуудыг хангасан байх бөгөөд зөвхөн доорх мэдээллээр хязгаарлагдахгүй.

• Үнэт цаасны зах зээлийн тухай хуулийн 33.2-т заасан санхүү, аудитын зөвлөгөө үзүүлэх үйл ажиллагаа эрхлэх зөвшөөрөлтэй хуулийн этгээд байх;
• Санхүүгийн хөндлөнгийн шинжээчийн дүгнэлт үйлчилгээний хүрээнд хийгдэх зөвлөх болон дүгнэлт гаргах сонирхлын зөрчилгүй, гүйцэтгэсэн ажилд баталгаа гаргах чадвартай байх;
• Зээлийн хөрөнгө, зээлийн материал болон үнэт цаасанд санхүү, бүртгэлийн үйлчилгээ үзүүлж байсан туршлагатай байх;
• Монгол Улсын холбогдох хууль, тогтоомж, журмын талаар өргөн мэдлэг, туршлагатай байх;
• Санхүүгийн шалгуур хангасан эсэхэд хөндлөнгийн шинжилгээг гэрээгээр тохирсон хугацаанд чанартай гүйцэтгэх мэдлэг чадвар, хүсэл эрмэлзэл, хүний нөөц болон цаг хугацааны нөөц бололцоотой байх.

Сонгон шалгаруулалтанд бүрдүүлэх материал

• Хамтран ажиллах санал
• Үйлчилгээ үзүүлэх үйл ажиллагаа эрхлэх тусгай зөвшөөрлийн хуулбар
• Хөндлөнгийн шинжээчид тавигдах шалгуурыг хангасан талаар бичгээр баталгаажуулсан баримт. Үүнд:

• СЗХ-нд бүртгэгдсэн эсэхийг нотлох баримтын хуулбар
• Үнэт цаасны зах зээлийн эрх зүйн талаар сургалтад хамрагдсан эсэхийг нотлох баримтын хуулбар
• Хөндлөнгийн шинжилгээ хийх үйлчилгээ, тайлан дүгнэлтийг ашиг сонирхлын зөрчилгүй, зохих журмын дагуу гүйцэтгэх талаарх баталгааг албан тоотоор ирүүлэх

Материал ирүүлэх хугацаа, хаяг

Сонгон шалгаруултад оролцохыг хүссэн албан байгууллага дээрх материалыг бэлтгэж, битүүмжлэн 2026 оны 01 дүгээр сарын 13-ны өдрийн 15:00 цагаас өмнө “Монголын Ипотекийн Корпораци ОССК” ХХК-ийн Эрсдэлийн удирдлагын газарт болон crisk@mik.mn цахим хаягаар ирүүлнэ үү.

Заасан хугацаанаас хоцорсон тохиолдолд санал ирүүлээгүйд тооцно.

Жич: “МИК ОССК” ХХК-иас зөвхөн сонгон шалгаруулалтын шаардлага хангасан байгууллагад хариу мэдэгдэн хийж гүйцэтгэх ажлын даалгаврыг хүргүүлнэ.

Нэмэлт тодруулга авах шаардлагатай тохиолдолд тус компанийн Эрсдэлтйн мэргэжилтэн Ч.Энхзаяа enkhzaya.ch@mik.mn цахим хаяг болон 976-88061543, 976-11-328267 утсаар холбогдоно уу.