Mobile version coming soon
Гүйцэтгэх захирлын мэндчилгээ

МИК Холдинг групп компанийн нэрийн өмнөөс Танд болон таны гэр бүлд ирж буй шинэ жилийн баярын мэндийг хүргэж, эрүүл энх, аз жаргал, сайн сайхан бүхнийг хүсэн ерөөе.

Энэ онд МИК үүсгэн байгуулагдсаны 15 жилийн ой боллоо. Энэ хугацаанд орон сууцны санхүүжилтийн тогтолцоог бий болгох, хөгжүүлэх чиглэлд төрийн эрх бүхий байгууллагуудтай хамтран ажилласны үр дүнд нийт 85 мянга иргэд 8, 6 % ипотекийн зээлд хамрагдаж, тус компани 4.4 их наяд төгрөгийн ИЗББ гаргасан байна.

Улирч буй онд манай хамт олон нийгэм эдийн засагт өөрсдийн тодорхой хувь нэмрээ оруулан үр бүтээлтэй ажиллаа. Тодорхой дурдвал Хүү хуримтлуулахгүйгээр ипотекийн зээлийн төлбөр хойшлуулах шийдвэрийн хүрээнд  арилжааны банкнуудтай хамтран 3 удаа давхардсан тоогоор 133 мянган иргэдийн төлбөрийг хойшлуулж, 526 тэрбум төгрөгийн хүүгийн төлбөрийг чөлөөлсөн байна. Мөн хугацаанд ИЗББ эзэмшигчдэд бондын купоны төлбөрийг цаг хугацаанд нь төллөө. Олон улсын хөрөнгийн зах зээлд 3 жилийн хугацаатай 250 сая ам.долларын бондыг амжилттай гаргаж, банк санхүүгийн байгууллагуудаас 570 гаруй тэрбум төгрөгийн зээлийн багцыг худалдан авч, нийт 370 тэрбум төгрөгийн ИЗББ гаргаж байна.

Цаашид хот суурин газруудын хөгжлийн бүтээн байгуулалтыг бодлогоор ногоон хөгжлийн стандартын хүрээнд хэрэгжүүлэхэд төр хувийн хэвшлийн хамтын ажиллагааны хүрээнд хамтран оролцох зорилт тавьж байна.

Ирж буй 2022 он иргэд ажилтай, орлоготой, сайхан жил байх болтугай.

 

Хүндэтгэсэн,

Б.Гантулга

Гүйцэтгэх захирал