Компанийн нэр:

“МИК Холдинг” ХК

Хаяг:

Монгол Улс, Улаанбаатар хот, Чингэлтэй дүүрэг, 1 дүгээр хороо, Бага тойруу, Д.Сүхбаатарын талбай гудамж, 11 тоот

Хурал хуралдах огноо, цаг, газар:

2026 оны 4 дүгээр сарын 29-ний өдрийн 11:00 цагаас цахим хэлбэрээр хуралдана.

 Бүртгэлийн өдөр:

2026 оны 4 дүгээр сарын 06-ны өдөр

Хувьцаа эзэмшигчдийн хурлаар хэлэлцэх асуудал:

1. Компанийн 2025 оны үйл ажиллагааны болон санхүүгийн тайлангийн талаарх дүгнэлтийг батлах тухай;
2. Ногдол ашиг хуваарилах эсэх талаар гаргасан Төлөөлөн удирдах зөвлөлийн шийдвэрийг танилцуулах тухай;
3. Төлөөлөн удирдах зөвлөлийн 2025 оны үйл ажиллагааны тайланг танилцуулах тухай;
4. Төлөөлөн удирдах зөвлөлийн гишүүдийн цалингийн зардлын төсвийг батлах тухай.

Хувьцаа эзэмшигчдийн ээлжит хурлаас гарах шийдвэрийн төсөл, түүнтэй холбогдох баримт бичигтэй танилцах журам, газар, ажиллах цаг:

1. Хувьцаа эзэмшигчид өөрийн бүртгэлтэй үнэт цаасны компани болон компанийн Төлөөлөн удирдах зөвлөлийн ажлын албанд хандан биечлэн, эсвэл цахимаар хурлын баримт бичигтэй танилцаж болно.
2. Төлөөлөн удирдах зөвлөлийн ажлын алба нь 2026 оны 4 дүгээр сарын 28-ны өдөр хүртэл Даваа-Баасан гарагт 09:00-17:00 цагийн хооронд ажиллана.

Төлөөлөн удирдах зөвлөлийн ажлын албатай холбоо барих мэдээлэл:

1. Г.Саруул, ТУЗ-ийн нарийн бичгийн дарга

1. И-мэйл: saruul@mik.mn
2. Утас: 88885800

1. Х.Маралмаа, ТУЗ-ийн ажлын албаны хуульч

1. И-мэйл: maralmaa@mik.mn

ХУРАЛД БҮРТГҮҮЛЭХ БОЛОН ОРОЛЦОЖ, САНАЛ ӨГӨХ ЗААВАР

“МИК Холдинг” ХК-ийн Хувьцаа эзэмшигчдийн ээлжит хурлыг 2026 оны 4 дүгээр сарын 29-ний өдрийн 11:00 цагт live.mik.mn сайтаар дамжуулан цахим хэлбэрээр хуралдуулна.

Хувьцаа эзэмшигчдийн цахим хурлын программд бүртгүүлэх:

Хувьцаа эзэмшигч, эсвэл түүний итгэмжлэгдсэн төлөөлөгч live.mik.mn сайт дахь цахим хурлын программд бүртгүүлэх хүсэлтийг бөглөн илгээх бөгөөд ирүүлсэн хүсэлтийг 24 цагийн дотор хянаж, бүрэн баталгаажуулснаар хувьцаа эзэмшигчийн цахим хурлын программд нэвтрэх эрх үүснэ.

Хэрэв та санал авах хуудсаар дамжуулан урьдчилан санал өгөх бол цахим хурлын программд бүртгүүлэх хүсэлтийг заавал бөглөх шаардлагагүй бөгөөд таны ирүүлсэн санал авах хуудас болон баталгаажуулах бичиг баримтыг үндэслэн цахим хурлын программд бүртгэлийг үүсгэнэ.

Урьдчилан санал өгөх:

Хувьцаа эзэмшигч, эсвэл түүний итгэмжлэгдсэн төлөөлөгч санал авах хуудас эсвэл, эсвэл live.mik.mn сайт руу нэвтэрч “Урьдчилж санал өгөх” цэсээр дамжуулан 2026 оны 4 дүгээр сарын 28-ны өдрийн 17:00 хүртэл саналаа урьдчилан өгч болно.

Хувьцаа эзэмшигчид “Санал авах хуудас” дахь санамжтай сайтар танилцана уу.

Цахим хуралд оролцож, санал өгөх:

Хувьцаа эзэмшигч, эсвэл түүний итгэмжлэгдсэн төлөөлөгч нь live.mik.mn сайт дахь “Нэвтрэх” хэсэгт хувьцаа эзэмшигчийн иргэний бүртгэлийн дугаар болон бүртгүүлсэн гар утасны дугаар руу илгээгдсэн нэг удаагийн нэвтрэх кодыг оруулснаар цахим хурлын программд нэвтэрч хуралд оролцож, санал өгнө.

Хуралд оролцохын тулд цахим хурлын программд урьдчилан бүртгэгдсэн байх шаардлагатай болохыг анхаарна уу.

Баталгаажуулах бичиг баримт:

1. Хувьцаа эзэмшигч хувь хүн: иргэний үнэмлэх, эсвэл гадаад паспортын хуулбар;
2. Хувьцаа эзэмшигч хуулийн этгээд: Хуулийн этгээдийн улсын бүртгэлийн гэрчилгээний хуулбар, итгэмжлэлгүйгээр төлөөлөх эрх бүхий этгээдийн иргэний үнэмлэхийн хуулбар;
3. Итгэмжлэгдсэн төлөөлөгч: Итгэмжлэл, төлөөлөгчийн иргэний үнэмлэхийн хуулбар.

Нэмэлт мэдээлэл:

1. Төлөөлөн удирдах зөвлөлийн ажлын алба 2026 оны 3 дугаар сарын 24-ний өдөр хувьцаа эзэмшигчдийн бүртгэлтэй үнэт цаасны компаниудад цахим болон цаасан хэлбэрээр хувьцаа эзэмшигчдийн ээлжит хурлын танилцуулгыг хүлээлгэн өгнө.
2. Хурал нээх ирцийг 2026 оны 4 дүгээр сарын 29-ний өдрийн 11:00-11:15 цагийн хооронд хурлын программ руу амжилттай нэвтэрч орсон болон урьдчилж санал өгсөн хувьцаа эзэмшигчдийн нийт хувьцааны тоогоор тооцно.
3. Хурлаар шийдвэрлэх асуудлуудад санал авах нийт хугацаа 10 минут үргэлжлэх ба энэ хугацаанд багтаан санал ирүүлээгүй бол тухайн хувьцаа эзэмшигчийг санал өгөөгүйд тооцно.
4. Хурлаар шийдвэрлэх асуудал тус бүрээр ирц болон санал хураалтын дүнг хурлын өдрийн 11:00 цагаас эхлэн санал хураалт дууссан цагийн хооронд хурлын программ руу амжилттай нэвтэрч, санал өгсөн болон урьдчилж санал өгсөн хувьцаа эзэмшигчдийн нийт хувьцааны тоогоор тооцно.
5. Хувьцаа эзэмшигчдийн ээлжит хуралд бүртгүүлэх, оролцож, санал өгөхтэй холбоотой тодруулах зүйл байвал Төлөөлөн удирдах зөвлөлийн ажлын алба (Г.Саруул, 88885800), эсвэл Хурлын тооллогын комисс (комиссын дарга С.Амарсайхан, 99109343)-той холбогдоно уу.
6. Компанийн байранд биечлэн хүрэлцэн ирэх бол Та Төлөөлөн удирдах зөвлөлийн ажлын албанд урьдчилан мэдэгдэнэ үү.

∞ ТӨЛӨӨЛӨН УДИРДАХ ЗӨВЛӨЛИЙН АЖЛЫН АЛБА БОЛОН

ХУВЬЦАА ЭЗЭМШИГЧДИЙН ЭЭЛЖИТ ХУРЛЫН ТООЛЛОГЫН КОМИСС ∞